Хрватскиот шампион Динамо Загреб во зимскиот преоден рок го донесе првиот српски фудбалер на „Максимир“ од независноста на Хрватска, откако Комнен Андриќ, најдобриот стрелец во хрватската лига дојде од Интер Запрешиќ.
По ова тргнаа шпекулациите за односите во загрепскиот клуб, посебно за односот со Амир Рахмани, фудбалерот роден во Приштина, и српските медиуми објавија дека постојат „искри“.
„На првото влегување во соблекувалната во Динамо, Рахмани нешто на шега ми кажа за Косово. Фино, културно му кажав последен пат да го прави тоа. Можеме да се шегуваме, да бидеме пријатели, но не ми го допирај Косово. Тој сфати дека претера“, изјавил наводно Андриќ за српскиот портал „Ало“.
Сепак, Андриќ и Рахмани потврдија дека изјавата е измислена, а Андриќ додаде дека во спорното интервју зборувал за убавиот живот во Загреб и добриот прием од навивачите. Динамо, пак, на официјалната Инстаграм страница објави заедничка фотографија на Србинот и Албанецот од Косово со порака: „Поздрав од Максимир“.
View this post on Instagram
Pozdrav s Maksimira! ??⚽️? #dzg #dinamo #zagreb #hrvatska #croatia #football