Двајцата македонски репрезентативци Стефан Ристовски и Дарко Велковски се најдоа во тимот на колото во првенството на Хрватска. Тие одиграа одлични натпревари за Динамо Загреб и за Ријека изминатиот викенд.
Капитенот на националниот тим, Стефан Ристовски одигра одличен натпревар за „модрите“ во триумфот против Шибеник и забележа асистенција.
Стоперот Дарко Велковски беше еден од најдобрите играчи на Ријека во победата (3-0) над Славен Белупо.
