Германскиот фудбалер Месут Озил се ожени со својата долгогодишна свршеница, актерката Амине Ѓулсе во петокот на Босфорот во Истанбул, со посебен гостин – турскиот претседател Реџеп Таип Ердоган, како негов кум.
Фотографиите кои беа објавени го покажуваат насмеаниот Ердоган и неговата сопруга Емине покрај Озил и Ѓулсе. Пред свадбата Озил и Ѓулсе, која иако е родена во Шведска, беше Мис на Турција во 2014, донираа пари за операција на 1.000 деца, но и дадоа голема донација на Црвената полумесечина за оброк за 15.000 сириски бегалци во Турција.
Одлуката на Озил Ердоган да биде кум на неговата свадба беше откриена во март оваа година, по што имаше голем број на критики од германските политичари, како Хелге Браун од владеачката Христијанска демократска унија (УЦИ), која изјави дека е „тажно“ што Озил се решил на таков потег.
German football star Mesut Ozil tied the knot – and Erdogan was his best man https://t.co/HISMpf9xer pic.twitter.com/tYpyrISKAU
— Al Jazeera English (@AJEnglish) June 8, 2019