Манчестер јунајтед го финализираат договорот со тренерот на Ајакс, Ерик Тен Хаг за да стане нивниот нов постојан менаџер, јавува „ЕСПН“, а британскиот „Телеграф“ додава дека ситуацијата „бргу се развива“ и дека потврдата може да се случи веднаш.
Тен Хаг, заедно со тренерот на Пари Сен-Жермен, Маурисио Почетино, беа сметани за најголеми кандидати да го пополнат испразнетото место по отказот за Оле Гунар Солскјер, откако Германецот Ралф Рангник беше донесен како привремено решение до крајот на сезоната. Британските медиуми последните денови тврдеа дека Јунајтед преговарале со двајцата тренери и дека наскоро ќе се донесе одлука, пред крајот на сезоната, во која „ѓаволите“ тешко дека ќе успеат да обезбедат топ 4 пласман и место во Лигата на шампионите.
Според „Индепендент“ пак, Тен Хаг на интервјуто со управата на клубот им објаснил дека се потребни пет години да се „сврти“ формата на тимот, објаснувајќи дека мора да се крене фитнес нивото на играчите и доставил листа на фудбалери како потенцијални засилувања, вклучувајќи дел од неговите фудбалери во Ајакс и Рубен Невеш од Вулверхемптон.
Тие тврдат дека Тен Хаг пристигнал на интервјуто со „досие“ на целосниот тим на Јунајтед, нешто што ги импресионирало луѓето кај „ѓаволите“.
Manchester United are set to finalise the appointment of Erik ten Hag as the club’s next manager, sources have told @MarkOgden_ and @RobDawsonESPN. pic.twitter.com/tKv7qXL53g
— ESPN FC (@ESPNFC) April 6, 2022
Manchester United board are pushing on Erik ten Hag as new manager, as per @MarkOgden_ – agreement not completed yet but talks are ongoing on staff, budget & more ? #MUFC
He’s also approved by Ralf Rangnick and Erik ten Hag priority has always been Man United. Work in progress. pic.twitter.com/QU5FNDdkd3
— Fabrizio Romano (@FabrizioRomano) April 6, 2022