Поранешниот француски репрезентативец Патрис Евра е исклучен пред почетокот на натпреварот во Лига Европа помеѓу Виторија Гимараеш и Олимпик Марсеј откако се пресметал со еден навивач.
Левиот бек, кој најдобрите моменти од кариерата ги мина во Манчестер Јунајтед и Јувентус, половина час пред почетокот на натпреварот, влегол во вербална расправија со навивачите од Марсеј, а потоа со еден карате удар го погодил навивачот во главата.
Сличена пресметка со навивач во минатото имаше и неговиот сонародник Ерик Кантона, разликата е само во тоа што контроверзниот Кантона тоа го направи за време на натпревар.