Top Sport

Галтие потврди дека ПСЖ не сметаат на Икарди и Навас

Новиот тренер на Пари Сен-Жермен, Кристоф Галтие потврди дека неговиот клуб бара купувачи за Мауро Икарди и Кејлор Навас, бидејќи двајцата се „вишок“ во тимот.

Костариканскиот голман е поврзуван со трансфер во Наполи, и се верува дека е дел од преговорите за Фабијан Руиз, кој сака во ПСЖ, додека и Икарди се поврзува со враќање во Италија, каде што Монца и Сампдорија се заинтересирани за напаѓачот по мизерните две сезони во Париз.

„Ќе потпишеме со нов напаѓач,Калимуендо ќе замине во Рен на позајмица, а се обидуваме да најдеме решение и за Мауро Икарди. Кејлор Навас не сака да е втор голман зад Џанлуиџи Донарума, и знам дека има неколку клубови кои се заинтересирани“, вели Галтие.

Икарди имаше 38 гола во 92 настапи за ПСЖ, но поголемиот дел од минатата сезона ја помина на клупата.

Scroll to Top