Серж Гнабри имаше хет-трик, Роберт Левандовски додаде уште два гола, за Баерн Минхен да ги декласира Штутгарт со 0:5 на нивната „Мерцедес-Бенц арена“ во првиот меч од 16. коло во Бундеслигата, по кој Баварците се одвоија на фантастични 9 поени пред Борусија Дортмунд.
Гнабри прво го скрши отпорот на домаќините во 40. минута, за во 53. минута да зголеми на 0:2, пред во пет минути во второто полувреме Баварците да постигнат уште три гола – Левандовски во 69. и 72. и Гнабри во 74. минута од мечот.
Баерн сега има 40 поени на врвот на табелата пред Борусија Дортмунд со 31 пред утрешниот меч со аутсајдерот Гројтер Фирт, додека Штутгарт се само 15. со 17 поени, само еден поен од зоната за испаѓање.
Standings provided by SofaScore LiveScore