Борусија Дортмунд со голем пресврт успеа да победи во Леверкузен 4:2. Со овој триумф тимот од Дортмунд се искачи на лидерската позиција во Бундес лигата.
Борусија ја запиша четвртата победа во сезоната и со 14 бода е на првото место, пред Баерн и Херта кои имаат по бод помалку. Од друга страна Леверкузен има само шест бода и е на 12.позиција.
Леверкузен испушти предност од два гола по првите 45 минути. Мичел Вајзер погоди во деветтата, а Џонатан Тан во 39.минута.
Во вториот дел, Борусија израмни во интервал од само четири минути. Џејкоб Ларсен постигна гол во 65., а Марко Ројс во 69.минута.
Точка на натпреварот стави екс напаѓачот на Барселона, Пако Алкасер со головите во 85. и 94.минута.
Бундеслига, 6.коло:
Хофенхајм-Лајпциг 1:2
Нинберг-Фортуна 3:0
Шалке-Мајнц 1:0
Штутгарт-Вердер 2:1
Волфсбург-Борусија Менхенгладбах 2:2
недела:
Ајнтрахт-Хановер
Аугсбург-Фрајбург