Серхио Агуеро го напушти Манчестер сити и веќе е нов фудбалер на Барселона, но пред да замине во Каталонија, тој успеа богато да ги награди вработените во својот поранешен клуб.
32-годишниот Аргентинец, кој останува рекордер на Сити со постигнати 260 голови во една деценија во северна Англија, и според „Атлетик“, пред да замине им купил на сите членови на клубот (повеќе од 60), скапи часовници „Хублот“ или „Таг Хојер“ (со цена од 1.000 до 8.000 фунти), на кои имало кратка убава порака: „Грасијас! Кун Агуеро“.
Покрај тоа, тој го оставил својот Ренџ Ровер Евок вреден 40.000 фунти да се додели со лотарија во клубот, кој го освоил човекот кој ги подготвува дресовите на клубот.
Ова не е првпат да се зборува за дарежливоста на Агуеро – тој на крајот на сезоната секогаш бил тој што донирал најмногу кеш во делот кој фудбалерите го собирале за придружниот тим на Сити.
Sergio Aguero bought every member of #ManCity's staff at the CFA building either a Hublot or Tag Heuer watch, each engraved with the words "Gracias! Kun Aguero".
[via @SamLee] pic.twitter.com/7NMoqaxMet
— Man City Report (@cityreport_) June 1, 2021