Италијанскиот првак Милан дојде до победа (2:1) над Фиорентина во последните мигови од натпреварот откако гостинскиот голман Пјетро Терачано имаше слаба реакција, а топката која удри во Никола Миленковиќ заврши во мрежата. Се играше втората минута од судиското продолжение кога гостите направија кобна грешка.
Рафаел Леао во втората минута донесе предност за „росонерите“, а израмни Антонин Барак во 28.минута.
Милан се искачи на второто место со 33 бода, осум помалку од Наполи, а по ова коло следи долга пауза во Серија А.