Англискиот премиерлигаш Манчестер Сити испрати нова понуда за играчот од средниот ред на Вулверхемптон, Матеус Нуњес. Првичната понуда од 50 милиони евра беше одбиена, а европските шампиони сега ја зголемија сумата на 60 милиони.
Португалецот е главната цел на Гвардиола за засилување во линијата за врска и „граѓаните“ веруваат дека новата понуда ќе биде прифатлива за раководството на Вулверхемптон.
Матеус Нуњес пристигна во Вулверхемптон пред една година за 45 милиони евра од Спортинг Лисабон. Тој денеска почнал и да штрајкува, не сакал да тренира со тимот, за да го принуди раководството да го продаде во Манчестер Сити.