Македонскиот напаѓач Мирко Ивановски е новото засилување на хрватскиот гигант Хајдук, правејќи трансфер од Славен Белупо од Копривница.
28-годишниот Ивановски две сезони играше во Славен, постигнувајќи 27 голови и 6 асистенции, а минатата сезона беше трет најдобар стрелец во Хрватската лига со 15 голови.
„Не можам да опишам како се чувствувам. Пресреќен сум што ќе го носам овој дрес и едвај чекам да го почнеме шампионатот за да можам да ја докажам довербата која ја имаше клубот. Знам дека во Хајдук секогаш има големи очекувања, но тоа се поклопува со мојот став“, изјави Ивановски, кој има 27 настапи за македонската репрезентација.