Бреша и официјално го отпуштија тренерот Фабио Гросо откако тој го предводеше тимот до три порази без постигнат гол, за да го врати стариот тренер Еугенио Корини само еден месец откако го отпуштија.
Претседателот на клубот, Масимо Челино беше критикуван што решил да го отпушти Корини на 3 ноември, а хаосот во клубот од Ломбардија се зголеми по конфликтот со Марио Балотели, по што навивачите протестираа по 0:3 поразот од лутите локални ривали Аталанта.
По низата од три порази под Гросо (со 0:10 гол-разлика), Бреша има шест порази едноподруго и само еден поен во последните девет меча по што се заглавија на последното место на табелата. Инаку, Корини лани успеа да ги крене Бреша во Серија А, освојувајќи ја титулата во втората лига.