Женската фудбалска репрезентација на Холандија дебитираше на ОИ во Токио со десет гола во мрежата на противничките од Замбија. Мечот од групата Ф го добија со резултат 10-3.
Епилогот на мечот беше познат уште по 15-тина минути кога „лалињата“ постигнаа 3 гола, а по првите 45 минути на семафорот веќе стоеше 6-1.
Во вториот дел репрезентативките на Холандија постигнаа уште 4 гола, а хет-трик кај африканската репрезентација забележа Барбра Банда.
Треба да се напомене дека 4 од 10-те гола за победничката селекција одат зад името на Вивиен Миедема.
Во истата група, Бразил со високи 5-0 ја декласираше селекцијата на Кина. Два од петте гола се дело на искусната Марта, додека останатите погодоци се за Дебиња, Беатрис и Андреса, од пенал.