Ѕвездата на Шангај СИПГ, Бразилецот Хулк се ожени со внуката на својата поранешна сопруга во „изненадувачка одлука“ само неколку месеци по разводот.
Хулк се развел со 33-годишната Иран Анжело во јули по 12 години заедно, по што во декември се појавија шпекулации дека е во врска со нејзината внука, 31-годишната Камила Анжело. Аргентинскиот весник „Инфобеј“ објави дека двојката склучила брак минатата недела, бидејќи тоа било потребно за таа да добие виза да може да претстојува во Кина.
Пост на Инстаграм акаунтот на бразилскиот фудбалер потврдува дека тие се во брак, со прстен во описот на фотографијата. Хулк има три деца со претходната сопруга, на 10, 8 и 6 години.
Бразилецот долго време играше за Зенит Санкт Петерсбург, пред да направи трансфер во богатата Кинеска Суперлига за 50 милиони евра во 2016 година, во еден од првите големи трансфери во Кина. Тој постигна 45 гола во 84 меча за Шангај СИПГ и ја освои титулата со тимот во 2018 и Супер купот на Кина во 2019 година.
View this post on Instagram
Eu vc & o amor ❤ Ninguém está imune a viver o maior dos sentimentos Happy valentine,s day ❤