Шведскиот ас Златан Ибрахимовиќ можеби ќе биде приморан да ја заврши кариерата, откриваат италијанските медиуми. Тој заработи повреда на главата на минатонеделниот меч против Болоња, но многу поголема мака му создава хроничната повреда на коленото. Болката што ја чувствува Ибрахимовиќ станува неиздржлива за тој да продолжи да настапува во Серија А.
Раководството на Милан имаше намера да го задржи робусниот напаѓач и следната сезона, но по новиот развој на настаните тоа можеби и нема да се случи.
Во меѓувреме, Милан ја загуби и добитната позиција во Серија А во трката за шампионската титула.