Лос Анџелес галакси потврдија дека Златан Ибрахимовиќ потпиша нов „подобрен“ договор со клубот со кој ќе остане во МЛС лигата барем уште една сезона.
37-годишниот Швеѓанец потпиша едногодишен договор со Галакси во текот на летото и постигна 22 гола во 27 натпревари и е номиниран за МВП наградата во МЛС лигата. Шпекулациите велеа дека тој може да се врати во Милан, но сега е сигурно дека останува во Калифорнија.
„Пресреќни сме што можеме да му дадеме нов договор на Златан и тој ќе се врати во 2019. Лани ја покажа својата вредност и сега очекуваме уште подобра сезона“, вели генералниот менаџер на тимот, Денис те Клесе.
Ибрахимовиќ е „определен“ играч на Галакси, што значи дека ќе добие значително зголемување на платата, но во исто време значи дека тимот мора да продаде еден од преостанатите тројца фудбалери кои се „определени“ – Роман Алесандрини, Џовани дос Сантос и Џонатан дос Сантос.
“I’m not finished yet.” – @Ibra_official ? pic.twitter.com/GM5hVK4bNO
— LA Galaxy (@LAGalaxy) December 18, 2018