Мауро Икарди си замина од тренинг-кампот на Интер во Швајцарија за да продолжи да работи на физичката подготвеност само во Милано, објавија „нераѕурите“.
„Мауро Икарди ќе се врати во Милано денеска од подготовките во Лугано. Клубот и аргентинскиот напаѓач ја направија одлуката заеднички. Икарди ќе продолжи со тренинзите во следните неколку дена и нема да биде дел од тимот кој ќе оди на летната турнеја во Азија“, се вели во соопштението на клубот.
Претходно беше објавено дека Раџа Наинголан и Икарди се „исклучени“ од тактичките тренинг-сесии со новиот тренер Антонио Конте и дека работат посебно од целиот тим.
Интер бараат 60 милиони евра за напаѓачот, што претставува половина од сумата од 120 милиони евра колку што се проценуваше тој пред само една година.
.@MauroIcardi rientrerà oggi a Milano dal ritiro di Lugano.
Il club e l’attaccante argentino hanno preso questa decisione di comune accordo.
Icardi proseguirà il suo percorso di ricondizionamento atletico nei prossimi giorni e non prenderà parte al Summer Tour in Asia#FCIM— Inter (@Inter) July 13, 2019