Интер ја прегази Болоња со 6:1 за да покаже дека шампионските амбиции се присутни и покрај заминувањата во текот на летото, за да го преземат првото место на табелата во Серија А.
Лаутаро Мартинез уште во шестата минута доби одлична топка од Дензел Дамфрис за рано водство, а потоа во 30. минута Милан Шкринијар зголеми на 2:0, за Николо Барела четири минути подоцна да даде гол за 3:0.
Гол-шоуто на „Сан Сиро“ продолжи и во второто полувреме – Матија Весино во 54. минута зголеми на 4:0, а потоа Един Џеко, кој влезе во првото полувреме на местото на Хоакин Кореа, да постигне два гола во 63. и 68. минута. Белгиецот Артур Тет во 86. минута постигна утешителен гол за тимот на Синиша Михајловиќ.
Standings provided by SofaScore LiveScore