Симоне Инзаги ќе добие отказ доколку Интер не успее да се пласира во четвртфиналето на Лигата на шампионите. Како што пишуваат италијанските медиуми, клупските челници ја загубиле довербата во Инзаги.
„Минатата сезона тој не го освои Скудетото, иако имаше големи шанси да го стори тоа. Довербата на играчите е разнишана“, пренесуваат медиумите во Италија.
Интер го победи Порто со 1:0 во првиот натпревар од осминафиналето на Лигата на шампионите и сега треба да ја одбрани таа предност во Португалија.
„Ќе добие отказ доколку не се пласира во четвртфиналето. После Интер следува дербито со Јувентус. Односите меѓу играчите се влошија, а особено под сомнеж е односот меѓу Лукау и Лаутаро Мартинез“.
Интер моментално е на втората позиција во Серија А со 50 освоени бодови, а првопласираниот Наполи е недостижен со 18 бодови пред избраниците на Симоне Инзаги.
На тимот од Милано му претстои борба за Лигата на шампионите до крајот на сезоната, во конкуренција на Лацио, Рома, Милан, и Аталанта.