Италијанскиот третолигаш Бари е заинтересиран да го доведе шведскиот ас Златан Ибрахимовиќ. Неговиот договор со Милан истекува на крајот од сезоната, а тој најверојатно нема да потпише нов. Неговата ситуација е компликувана поради извесната промена на сопственичката структура на клубот.
Новите сопственици од Бахреин би сакале Златан да остане, но со многу помала плата од досегашната. Затоа Ибрахимовиќ размислува за промена на клубот, а тука шансата ја гледа третолигашот Бари.
Луиџи де Лаурентис, синот на претседателот на Наполи, Аурелио де Лаурентис, призна дека сака да го доведе Ибрахимовиќ.
„Ибра е забавен до смрт за мене. Тој е посебен лик, има одлична комуникација и е многу моќен. Доведете го во Бари на 41 година. Зошто да не?, изјави сопственикот на Бари.
Овој клуб е меѓу десетте најгледани во Италијa, нивните домашни натпревари на стадионот „Сан Никола“ ги гледаат во живо повеќе од 20.000 гледачи. Бари пред четири години прогласи банкрот, а сега Де Лаурентис Јуниор се обидува да го врати меѓу елитата.