Златан Ибрахимовиќ доби поништување на договорот со Манчестер јунајтед, потврди англискиот клуб, со што се отвара врата шведскиот ветеран да се приклучи на МЛС клубот, Лос Анџелес галакси, по шпекулациите на американските и англиските медиуми.
„Сите во клубот сакаат да му заблагодарат на Златан за неговите перформанси од неговото доаѓање и му посакуваме најдобро во иднината“, објавија од Јунајтед.
#MUFC has agreed to the termination of Zlatan Ibrahimovic’s contract with immediate effect.
Club statement: https://t.co/F0vdXLBPFA pic.twitter.com/ISJVCCjYre
— Manchester United (@ManUtd) March 22, 2018
36-годишниот Ибрахимовиќ, кој е најдобриот стрелец во историјата на шведската репрезентација со 62 гола во 116 натпревари, доби сериозна повреда на коленото во четврт-финалето од Лигата на Европа против Андерлехт минатиот април, но клубот му даде уште еден едногодишен договор.
По кам-бекот на терените, тој не успеа да избори место во тимот, и последен пат настапи на 26 декември против Барнли.
Фото: ЕПА