Хави Мартинез го постигна единствениот гол, за Баерн Минхен со 1:0 да го совлада Манчестер јунајтед во пријателскиот меч на двата европски гиганти на „Алијанц арената“, и така да го комплетира лошото лето за тимот на Жозе Мурињо.
Пријателскиот меч пред стартот на сезоната од Премиер лигата следниот викенд воопшто не донесе убава игра, а Јунајтед можат да се „пофалат“ со тоа што воопшто немаа удар кон голот на Мануел Нојер.
Исто така изненадуваше одлуката на Мурињо капитенската лента да му ја даде на Алексис Санчез, кој иако е одличен фудбалер, на „Олд Трафорд“ е само осум месеци.
Мартинез беше највисок во скокот во 59. минута по убав корнер за да го совлада Давид де Хеа и да ја донесе победата на Баварците. Тимот на Роберт Ковач имаше шанса да зголеми на 2:0 преку дебитантот на Баерн, Леон Горецка, а подоцна Арјен Робен постигна одличен гол со лева нога, меѓутоа тој не беше признат поради очигледна офсајд позиција.
Manchester United’s pre-season:
Man Utd 1-1 Club America
Man Utd 0-0 San Jose
Milan 1-1 Man Utd
Man Utd 1-4 Liverpool
Man Utd 2-1 Real Madrid
Bayern Munich 1-0 Man Utd pic.twitter.com/db0N7Fe2HK— bet365 (@bet365) August 5, 2018