Англиските шампиони Манчестер сити имаа рекордна сезона за да заработат 149.4 милиони фунти од Премиер лигата, но на листата на исплати беа совладани од градските ривали Манчестер јунајтед.
Јунајтед, како втори, добија 149.7 милиони фунти бидејќи имаа два натпревари повеќе кои се даваа на ТВ во текот на сезоната. Ливерпул, Тотенхем, Челси и Арсенал се преостанатите тимови кои заработија над 140 милиони фунти.
Вест Бромвич Албион, кои испаднаа во Чемпионшип (втората лига) откако беа последни, добија 94.7 милиони фунти.
Сезоната 2017/18 беше втора под договорот од 5.1 милијарди фунти потпишан во 2015, според кој 20 клуба делат 2.4 милијарди фунти основна исплата, за комерцијални активности и за ТВ. Остатокот се дели според позицијата на клубовите на табелата и бројот на ТВ-преноси.
Сумите се дефитивно најголеми на светот, и Англичаните остануваат со најфинансиски поткованите фудбалски клубови. Парите ќе растат, бидејќи неодамна се потпиша нов побогат договор со ТВ-компаниите кои ќе ги пренесуваат мечевите.
Фото: ЕПА
„Скај“ плаќа 3.5 милијарди фунти за 128 премиерлигашки меча!