Јувентус доживеа катастрофа во Торино откако загуби со 0:3 од Вилјареал и повторно е елиминиран на самиот старт од нокаут фазата во Лигата на шампионите. Се чинеше дека „старата дама“ има отворен пат за пласман понатаму, на првиот меч во Шпанија немаше победник (1:1), но тимот на Масимилијано Алегри комплетно потфрли на реваншот.
„Ова е Лига на шампионите, има тимови на многу високо ниво и не се простуваат грешки. Мораме да научиме од ова бидејќи, за да се натпреваруваш на највисоко ниво, треба да бидеш фокусиран до крајот. Ние не бевме и затоа сме казнети. Направивме некои грешки, а во ова натпреварување деталите прават разлика. Тешко е да се разбере што ни се случи, можеме само да им се извиниме на нашите навивачи и да се обидеме да научиме нешто од оваа лекција“, изјави дефанзивецот на Јувентус, Данило.
Јувентус трета година по ред е елиминиран во осминафиналето од Лигата на шампионите.