Возвратниот натпревар во финалето на Копа Либертадорес помеѓу Ривер Плата и Бока јуниорс можеби ќе биде одложен поради проблеми надвор од стадионот. Навивачите на Ривер го каменувале автобусот во кој биле играчите на Бока јуниорс.
Натпреварот е одложен за еден час и наместо во предвидениот термин, 21 часот, ќе се игра од 22 часот.
Според информациите од Аргентина, со оглед на тензиите што ги носи секое Суперкласико, можно е натпреварот да биде одложен и за некој друг ден. Засега овие информации се во доменот на шпекулации.
Наводно во инцидентот, во кој со камења е нападнат автобусот на Бока, биле повредени тројца фудбалери.