Лацио доживеа шокантен 1:3 пораз од Салернитана во 13. коло во Серија А во интересен дуел во кој „лацијалите“ беа поразени од клубот со кој до минатата година имаа заеднички сопственик. Клаудио Лотито, долгогодишниот претседател на Лацио, мораше да го продаде тимот на Салернитана на крајот на 2021 година поради правилата во италијанската лига за клубови во сопственост на исто семејство.
Лацио први дојдоа во водстсво со голот на Матија Ѕакањи во 41. минута, резултат кој со кој се отиде на пауза. Второто полувреме, целосн им припадна на гостите. Ветеранот Антонио Кандрева израмни на 1:1 во 52. минута со прекрасен гол, пред Федерико Фацио да го комплетира пресвртот во 68. минута, а Булаје Диа да ги постави конечните 1:3 во 76. минута.
Со само вториот пораз оваа сезона, тимот на Маурицио Сари останува на четвртото место со 24 поени, сега осум поени зад лидерите Наполи. Салернитана со третата победа во последните четири меча се искачува на 9. место на табелата со 16 поени.