Јапонскиот ветеран Кеисуке Хонда, кој пред само една недела потпиша договор за настап во австралискиот клуб Мелбурн виктори, е именуван за нов генерален менаџер на репрезентацијата на Камбоџа.
Според вестите од Австралија, 32-годишниот поранешен фудбалер на Милан, ќе работи со камбоџанските фудбалери преку видео-линк од Мелбурн. Камбоџа во ноември игра на АФФ Сузуки купот со Малезија, Мјанмар, Виетнам и Лаос и останува нејасно дали тој ќе присуствува на натпреварите, бидејќи во исто време се одвива и А-лигата во Австралија.
Хонда настапи за Јапонија на СП во Русија, но потоа се повлече од националниот дрес со 37 голови во 98 меча. Врската со Камбоџа е подолга, бидејќи тој во 2016 година отвори фудбалска академија во престолнината Пном Пен.
Keisuke Honda is appointed as the #Cambodia National Team General Manager pic.twitter.com/VZQqWjlLGx
— Noan Sereiboth (@noansereiboth) August 12, 2018