Капитенот на Јувентус, Џорџо Кјелини признава дека целиот тим бил фокусиран на Кристијано Роналдо во трите сезони во кои Португалецот беше во Торино, и инсистира дека слична позиција сега мора да заземе Пауло Дибала.
Кјелини смета дека Аргентинецот е подготвен да ја пополни празината во тимот и да стане инспирација на тимот.
„Кога имате играч од светска класа како Кристијано, не можете да спречите да играте за него. Мораме да му бидеме благодарни на Кристијано за годините во клубот, но сега одиме понатаму. Ова сега е тим на Пауло Дибала. Последните неколку години, тој постигнуваше помалку голови поради Кристијано, но тој е клучен играч на Јувентус“, вели Кјелини.
Дибала има 101 гол во 256 настапи за Јувентус по пристигнувањето од Палермо во 2015 година, но уште го нема продолжено договорот кој му истекува следното лето.