Менаџерот на Тотенхем, Антонио Конте, нема да го предводи тимот во недела против Вест Хем. Конте, по мечот во Лигата на шампионите со Милан, останал со семејството во Италија.
Предводниот на Тотенхем, во Италија, ќе ја продолжи рехабилитацијата по операцијата за отстранување на жолчното кесе, на која беше подложен пред две недели.
Конте го предводеше тимот на Сан Сиро во поразот од Милан (0:1), во првиот дел од осминафиналето од Лигата на шампионите.
„По рутински постоперативен преглед во среда во Италија, одлучено е Антонио Конте да остане во семејниот дом за целосно да се опорави од операцијата. Здравјето е од најголема важност и сите ние во клубот му посакуваме брзо закрепнување“, се вели во соопштението на Тотенхем.
Во отсуство на Конте, улогата на прв тренер ќе ја преземе неговиот помошник Кристијан Стелини.
Стелини го предводеше тимот пред 11 дена во победата од 1:0 против Манчестер Сити, само четири дена по операцијата на Конте.