Припадници на воената полиција морале да ги заштитат судијата Андрес Акуња и неговите помошници, по завршувањето на полу-финалниот реванш во Копа Либертадорес, помеѓу Гремио и Ривер Плата.
Реваншот го добија фудбалерите на Ривер Плата 2:1 и се пласираа во финалето на најеминентното фудбалско натпреварување во Јужна Америка. Аргентинскиот тим постигна повеќе голови на гостински терени, поради што и ќе се бори за титулата. Првиот меч во Буенос Аирес, му припадна на Гремио 1:0.
Гремио и во реваншот први постигнаа гол преку Лео Гомес. Драмата на стадионот во Порто Алегре започна во самиот финиш, кога Рафа Боре израмни во 82.минута, а пет минути подоцна уругвајскиот судија, со помош на ВАР-системот, досуди пенал за Ривер Плата.
Брешан играше со рака, Акуња досуди пенал, а на играчот на Гремио му го покажа вториот жолт картон. Следуваа жестоки протести на бразилските фудбалери, поради што пеналот беше изведен во 95.минута. Сигурен реализатор беше Гонсало Мартинез.
Мечот заврши по 113 минути игра. Кога Уругваецот означи крај на натпреварот, на теренот влезе воената полиција за да го заштити него и неговите помошници од незадоволните домашни фудбалери и навивачи.
Late VAR penalty decision ✅
Players confront the officials ✅
14 minutes of stoppage time ✅
Military police forced to step in ✅Things got seriously heated at the end of Gremio vs River Plate ? pic.twitter.com/yv4yXVvW0T
— ESPN UK (@ESPNUK) October 31, 2018