Златното момче на Барселона, Педри, нема да игра фудбал до крајот на оваа година. Педри од почетокот на сезоната има проблем со бутниот мускул. Клубот објави дека тој ќе се врати на фудбалските терени на почетокот на 2022 година.
Талентираниот фудбалер, кој блесна на Европското првенство, рехабилитацијата ќе ја започне од нула.
Педри го плати данокот на претходната сезона, кога одигра 72 натпревари за клубот и репрезентацијата.
Оваа сезона има одиграно само четири натпревари, по два во Ла Лига и Лигата на шампиони.