Во Кристал Палас биле навредени од понудата што на нивна адреса пристигнала од Арсенал во врска со потенцијалниот трансфер на Вилфред Заха, објави британскиот сервис Би-би-си.
Челниците на Арсенал за услугите на репрезентативецот на Брегот на Слоновата коска на колегите од Кристал Палас им понудиле 40 милиони фунти. Во Кристал Палас за својот најдобар играч очекувале понуда од околу 80 милиони фунти. Заха, минатото лето, потпиша нов пет годишен договор со Кристал Палас.
Очигледно е дека во овој клуб имаат намера во овој преоден рок до врв да ја наполнат клупската каса. Минатата недела тие од Манчестер Јунајтед добија 50 милиони фунти за десниот бек Арон Ван-Бисака.