Андрес Кристенсен по завршувањето на сезоната ќе го напушти „Стенфорд Бриџ“. Данецот не успеал да се договори со Челси околу новиот договор, најверојатно кариерата ќе ја продолжи во Барселона.
Кристенсен со доаѓањето на Томас Тухел стана стандарден во првата постава. Тој цела деценија е во Челси, претходно беше дел од Академијата на Челси.
Данецот немал намера да игра за некој од ривалските клубови од Премиер лигата. Англичаните пишуваат дека и Баерн покажува интерес за него, но дека тој решил да се пресели во Барселона.