Јувентус го потврдија пристигнувањето на Кристијано Џунтоли како нов спортски директор по осумте години поминати во Наполи.
51-годишниот Џунтоли е еден од најзаслужните за освоеното скудето на Наполи минатата сезона, откако во клубот ги донесе првите ѕвезди како Виктор Осимен и Квича Кварацхелија, но по конфликтот со претседателот на клубот Аурелио де Лаурентис се договори со Наполи за заминување една сезона пред крајот на договорот.
Џунтоли ќе работи во Јувентус со својот нов помошник, Џовани Мана, и ќе биде одговорен во трансформацијата на тимот во новата ера по заминувањето на претседателот на клубот Андреа Ањели, и прва задача ќе му биде да се ослободи од повеќе играчи за да се намали сумата која клубот ја дава за плати.
Cristiano Giuntoli è con noi!
Giuntoli è il nostro nuovo Football Director. Benvenuto!
— JuventusFC (@juventusfc) July 7, 2023