Италијанскиот весник „Кориере дело спорт“ тврди дека дури 15 клуба од Серија А се мачат со исплатата на платите за ноември поради економската криза по пандемијата на корона вирусот, предизвикувајќи паника кај лидерството на Италијанската фудбалска федерација (ФИГЦ) и Лега Серија А.
Минатата недела претседателот на Серија А, Паоло дел Пино призна дека постои огромна загриженост за фудбалот во Италија, предупредувајќи дека е можен „целосен колапс“ доколку не се сменат рестриктивните мерки на италијанската влада. Тој потврди дека фудбалот во Италија загубил над 600 милиони евра поради затварањето на стадионите.
Според „Кориере“, дел од тимовите уште ги нема исплатено платите за јуни, а краен рок за тоа е 16 ноември. Тие тврдат дека ФИГЦ и Лега Серија А побарале две мерки од владата – одложување на крајниот рок за исплатата на платите за оваа сезона (што мора да се потврди и во договор со играчите), како и даночно олеснување, односно можност да не се плати данок на платите на фудбалерите оваа сезона.
Италијанскиот фудбал е пред колапс, вели претседателот на Серија А