Новото засилување на Барселона, Жул Кунде, вели дека тренерот Чави бил можеби решавачкиот фактор за неговиот трабсфер на „Камп Ноу“. Францускиот интернационалец истакна дека трансферот во Барселона за него е огромен чекор напред во кариерата.
„Многу сум горд и благодарен за оваа можност да видам дел од Барселона. Возбуден сум бидејќи пристигнувам во голем клуб. Едвај чекам да се сретнам со моите соиграчи и да почнам да играм. Севилја е исто така голем клуб, но Барселона е огромен чекор напред во мојата кариера. Сакам да се борам за сите трофеи. Тренерот Чави е една од главните причини поради кои сум тука. Разговарав со него неколку пати. На ист начин гледаме на фудбалот“, изјави Жул Кунде во првото интервју како нов фудбалер на Барселона.
Каталонскиот гигант во трката за Кунде успеа да го победи англискиот премиерлигаш Челси.
The first thoughts from @jkeey4 on his arrival in Barcelona pic.twitter.com/CQTb5ms6L5
— FC Barcelona (@FCBarcelona) July 28, 2022