Фудбалерите на Лајпциг доживеаја тежок пораз во првиот натпревар, во Лигата на шампионите. На домашен терен „биковите“ беа поразени од Шахтјор со 1:4.
Поразот од Шахтјор го вклучи алармот во Лајпциг. Тимот не игра добро од почетокот на сезоната, во првите пет рунди во Бундес лигата, тимот освои само пет бода.
Цехот за лошите резултати ќе го плати тренерот Доменико Тедеско. Германските медиуми пишуваат дека Тедеско ќе добие отказ. Наводно веќе е познато кој ќе го наследи.
Според овие извори, новиот тренер на Лајпциг ќе биде Марко Розе.
Розе во кариерата бил тренер на сестринскиот клуб на Лајпциг, Ред Бул Салцбург и Борусија Менхенгладбах.