Лајпциг се вратија на челната позиција во Бундеслигата со победата над Вердер од 3:0. Со натпревар повеќе од Баерн, Лајпциг се на 45 поени, два повеќе од Баварците. Од петте натпревар кои се одиграа попладнево само Лајпциг победија како домаќини, Аугзбург и Фрајбург ремизираа додека на гостински терено победија Баерн Леверкузен, Волфсбург и Херта.
Лајпциг се искачија на врвот и во исто време го турнаа Вердер на претпоследното место на табелата. Патрик Шик го обележа мечот со гол и асистенција. Чехот најпрвин му асистираше на клостерман, а потоа и самиот постигна гол. Конечните 3:0 ги постави Мукиеле.
Играч на колот е напаѓачот на Волфсбург Вегхорст кој постигна хет-трик во победата 2:3 кај Хофенхајм. За домашниот тим по еден гол постигнаа Баумгартнер и Крамариќ.
Со ист резултат 2:3 Леверкузен славеа кај Унион Берлин. Херој на „фармацевтите“ е Белараби кој погоди за победа во 94 минута.
По заминувањето на Јирген Клинсман Херта успеа да победи. Бајата и Куња погодија во победата 2.1 кај Падерборн.