Напаѓачот на Арсенал, Александер Лаказет открива дека имал погрешно мислење за својот поранешен соиграч Пјер-Емерик Обамејанг пред да го запознае кај „топчиите“.
Французинот пристигна во Арсенал од Лион во 2017 година, шест месеци пред Обамејанг да му се приклучи од Борусија Дортмунд. Обамејанг замина во јануарскиот преоден рок во Барселона како слободен играч по конфликтот со менаџерот Микел Артета, додека договорот на 30-годишниот Лаказет завршува на крајот на сезоната.
„Имав некои погрешни ставови околу Обамејанг пред да пристигне, не ми се допаѓаше. Да бидам искрен, уште не сум пријател со Обамејанг кој го гледате на Инстаграм, туку сум пријател со Пјер-Емерик. Луѓето не го познаваат Пјер-Емерик, туку го знаат само Обамејанг“, вели Лаказет во интервју за „Канал плус“.