Притисокот по лошите резултати очигледно почна да го нервира менаџерот на Челси, Френк Лампард, кој на прес-конференцијата пред мечот од четвртото коло на ФА купот против Лутон, ги обвини новинарите дека сакаат да предизвикаат негативна реакција кај навивачите на „сините“.
По пет порази во последните осум меча во Премиер лигата, шпекулациите велат дека Роман Абрамович полека ги губи нервите со легендата на клубот, и Лампард на прашањето колку Петр Чех и неговото искуство е „витално“ за тимот, реши да се позанимава со новинарските написи од последните неколку недели.
„Мислам дека самодовербата на тимот ќе биде уништена ако прочитаат дел од вашите написи кои ги пишувате секоја минута. Дел од нив е како да се обидувате на социјалните мрежи да наидете на негативна реакција. Ги читав и кога ни одеше добро, но тогаш немаше пофалби. Така што нема да е вишок да има малку објективност“, вели Лампард, одговарајќи на новинарот Лајам Туми од „Атлетик“.
Лампард посебно беше лут на написот од средата во кој стоеше: „Вака изгледа скршен тим, мизерен тим кој е во последна фаза на умирање“.
„Не сум глупав, го знам притисокот кој доаѓа кога си менаџер на врвен фудбалски клуб, но јас само си ја вршам работата. Притисокот е океј. Секако, подобро е кога победуваш и посреќен бев во ноември и откомври, но тоа е дел од работата“, додава Лампард.
? "Their confidence would be shot if they read the pieces you write at the minute. The confirmation bias is like a social media pundit to try and get a reaction."
Frank Lampard fires back at reporter Liam Twomey in his press conference pic.twitter.com/vcekiaM6je
— Football Daily (@footballdaily) January 22, 2021