Манчестер јунајтед повторно ги исфрустрира своите фанови со еден натпревар, откако одигра реми без голови на гости кај АЗ Алкмар во Холандија, што беше доволно да се вратат на првото место во групата Л пред мечот со Партизан.
Статистиката за клубот на Оле Гунар Солскјер е безмилосна – првпат во историјата Манчестер јунајтед не успеа да упати удар во рамките на голот во ова европско натпреварување, и сега „ѓаволите“ немаат победа на гости во последните 10 меча.
0 – Manchester United have failed to have a shot on target in a UEFA Europa League game for the first time in their history (25 games). Blunt. pic.twitter.com/f3ADg6Qow6
— OptaJoe (@OptaJoe) October 3, 2019
Рома имаше водство, но одигра само 1:1 на гости кај австриската сензација Волфсбергер, Вулверхемптон во финишот на мечот славеше на тешкото гостување кај Бешикташ, додека бугарскиот шампион Лудогорец стигна до импресивна победа на гости кај Ференцварош за да се искачи на првото место во групата Х со две победи во два меча.
Најнеизвесно, засега, е во групата Г, каде што Феенорд со 2:0 го победи Порто, а Јанг Бојс во последните секунди од мечот „украде“ 2:1 победа над Ренџерс, по што сега сите четири тима имаат по 3 поени (еден пораз и една победа).
ЛИГА ЕВРОПА, 2.КОЛО
ГРУПА Г
Феенорд – Порто 2:0
Јанг бојс – Глазгов Ренџерс 2:1
Табела: 1.Феенорд 3, 2.Јанг бојс 3, 3. Ренџерс 3, 4.Порто 3
ГРУПА Х
ЦСКА Москва – Еспањол 0:1
Ференцварош – Лудогорец 0:3
Табела: 1.Лудогорец 6, 2.Еспањол 4, 3.Ференцварош 1, 4.ЦСКА Москва 0
ГРУПА И
Олександрија – Гент 1:1
Сент Етјен – Волфсбург 1:1
Табела: 1.Волфсбург 4, 2.Гент 4, 3.Сент Етјен 1, 4.Олександрија 1
ГРУПА Ј
Башакшехир – Борусија Менхенгладбах 1:1
Волфсбергер – Рома 1:1
Табела: 1.Волфсбергер 4, 2.Рома 4, 3.Борусија М 1, 4.Башакшехир 1
ГРУПА К
Бешикташ – Вулверхемптон 0:1
Брага – Слован Братислава 2:2
Табела: 1.Слован Б. 4, 2.Брага 4, 3.Вулверхемптон 3, 4.Бешикташ 0
ГРУПА Л
Астана – Партизан 1:2
АЗ Алкмар – Манчестер јунајтед 0:0
Табела: 1.Манчестер јунајтед 4, 2.Партизан 4, 3.Алкмар 2, 4.Астана 0