Розенборг, 25-кратниот норвешки шампион е блиску до дуел со македонскиот шампион Шкендија во баражот за влез во Лига Европа, откако на гости со 2:0 го совлада ирскиот Корк Сити во третото квалификациско коло на ЛЕ.
Шкендија, која вчера загуби со 3:0 од Салцбург, по елиминацијата во Лигата на шампионите, преоѓа во ждрепката за ЛЕ, каде што ќе ги дочека Розенборг, клуб кој минатата година играше со Вардар во групите. Во Ирска, клучен играч за Розенборг беше Швеѓанецот Џонатан Леви, кој постигна два гола во првото полувреме (22. и 44. минута за импресивна победа).
Глазгов Ренџерс под водство на Стивен Џерард, стигна до тешка 3:1 победа над словенечки Марибор со гол од пенал. Шкотланѓаните дојдоа во водство со голот на Алберто Морелос веќе во шестата минута, но Марибор се врати со гол на Грегор Бајде пред крајот на полувремето. Џејмс Таверниер од пенал во 50. минута пак ги врати Глазгов во водство, пред Ласана Кулибали во финишот на мечот да ги постави конечните 3:1.
Од клубовите од нашето опкружување, Партизан стигна до 2:1 победа на гостувањето кај данскиот Нордсјеланд, Олимпија Љубљана рутински со 3:0 го совлада ХЈК Хелсинки, а Хајдук не успеа да направи предност против ФЦСБ (поранешна Стеауа) со само 0:0 на „Пољуд“.
ЦСКА Софија загуби дома од силниот Копенхаген со 1:2, а Спартак Суботица немаше сили против уште еден дански клуб Брондби, губејќи со 0:2 на домашен терен.
ЛИГА ЕВРОПА, 3.КВАЛИФИКАЦИСКО КОЛО
Јагиелонија (Пол) – Гент (Бел) 0:1
ЦСКА Софија (Буг) – Копенхаген (Дан) 1:2
Нордсјеланд (Дан) – Партизан (Срб) 1:2
Башакшехир (Тур) – Барнли (Анг) 0:0
Бешикташ (Тур) – ЛАСК Линц (Авт) 1:0
Генк (Бел) – Лех (Пол) 2:0
Олимпија Љубљана (Сло) – ХЈК Хелсинки (Фин) 3:0
Олимпијакос (Грц) – Луцерн (Шва) 3:0
Витесе (Хол) – Базел (Шва) 0:1
Зорја (Укр) – Брага (Пор) 1:1
Корк Сити (Ирс) – Розенборг (Нор) 0:2
Хајдук Сплит (Хрв) – ФЦСБ (Ром) 0:0
Хибернијан (Шко) – Молде (Нор) 0:0
Ренџерс (Шко) – Марибор (Сло) 3:1
Сарпсборг (Нор) – Риека (Хрв) 1:1
Спартак Суботица (Срб) – Брондби (Дан) 0:2
ТНС (Вел) – Митјиланд (Дан) 0:2
Легија (Пол) – Дуделанж (Лук) 1:2
Слован Братислава (Свк) – Рапид Виена (Авт) 2:1
Севилја (Шпа) – Жалгирис (Лит)
ЛЕ: Катастрофа за Феенорд и Зенит во квалификациите! (видео)