Иако се веруваше дека со пристигнувањето на Дарвин Нуњез, Ливерпул ги реши главните проблеми во летниот преоден рок, шпанските медиуми тврдат дека Јирген Клоп е заинтересиран за трансфер на Марко Асенсио од Реал Мадрид, кој имаа само уште една година од договорот со европскиот шампион.
Според „АС“, Ливерпул се најзаинтересирани за 26-годишниот шпански репрезентативец, и покрај тоа што и италијанскиот шампион Милан беше заинтересиран за трансфер, но плановите се одложија по продажбата на клубот.
Реал нема да дозволат Ливерпул да поминат „ефтино“ и бараат околу 35 милиони фунти за Асенсио, кој лани ја имаше својата најдобра сезона со 12 гола во сите натпреварувања за „кралевите“, надминувајќи ги проблемите со сериозната повреда на коленото од 2019 година.