Ливерпул му нанесе тежок пораз на Арсенал во дерби мечот одигран во рамките на 20.коло, во Премиер лигата. Лидерот славеше со 5:1. Хет-трик постигна Робеето Фирмино.
Ливерпул г декласира противникот за половина час, во периодот од 14. до 45.минута играчите на Јирген Клоп постигнаа четири гола, откако Арсенал преку Мејтланд-Најлс погоди во 11.минута за предност на Арсенал.
Следуваше блиц-криг во режија на Роберто Фирмино. Бразилецот постигна два гола во 14. и 15.минута. Третиот гол е дел на тимска акција во 32.минута, а егзекутор беше Мане.
Перфектното прво полувреме на Ливерпул го комплетираше Салах во 45.минута од пенал.
Во вториот дел Фирмино го комплетираше хет-трикот откако Мајкл Оливер досуди сомнителен пенал.
Оваа година Ливерпул ја заврши на лидерската позиција со 54 бода, девет повеќе од Тотенхем и десет од Манчестер сити кои имаат натпревар помалку.