Романскиот тренер на Динамо Киев, Мирчеа Луческу се спротистави на казнувањето на руските спортисти поради војната во Украина велејќи дека спортот „нема ништо заедничко со политиката“.
76-годишниот Луческу, кој 12 години беше тренер на Шахтјор Доњецк, а работеше и во Зенит Санкт Петерсбург и во повеќе италијански клубови, се врати во Букурешт по почетокот на војната и во интервју за италијанското радио „РАИ“ не се согласува дека руските спортисти треба да „платат“ за ситуацијата.
„За мене, спортот нема ништо заедничко со политиката. Луѓето мора да се натпреваруваат, без разлика од која земја доаѓаат. Не се согласувам со одземањето на правото да се натпреваруваат само на Русите. Спортот треба да помогне, не да изолира. Не можам да сфатам како проблемот дојде до овој степен. Политика… Тие живееја заедно како браќа, а сега има голема битка и иникој нема да излезе како победник“, вели Луческу.