Во последните години не e видена сцена стадион да биде исполнет 10 часа пред одигрување на натпревар. Тоа се случува во ирачкиот град Басра.
Од 17 часот по средноевропско време, во финалето на Гулф купот силите ќе ги одмерат селекциите на Ирак и на Оман, а во стампедо пред стадионот повредени се повеќе од 60 луѓе, има и еден загинат.
Некои Ирачани кои успеаја да купат билети ја поминаа ноќта пред стадионот, а трибините почнаа да се полнат во раните утрински часови.
Информациите од Ирак велат дека стадионот е исполнет 10 часа пред натпреварот, што звучи неверојатно.
Капацитетот на стадионот во Басра изнесува 65.000 гледачи, а нема дилеми дека на стадионот ќе влезат повеќе луѓе отколку што е можно.