Поранешниот селектор на фудбалската репрезентација на Шпанија Луис Енрике повторно ќе ја преземе оваа функција во националниот тим, објави „Мундо Депортиво“ повикувајќи се на информациите на „Кадена СЕР“.
Луис Енрике, пред почетокот на ЕУРО 2020, на клупата на „црвената фурија“ ќе го замени Роберто Морено.
Наскоро се очекува оваа информација да добие потврда и од Фудбалскиот сојуз на Шпанија. 49 годишниот Енрике е поранешен играч на Реал и Барселона, а во тренерската кариера работел во Селта, Рома и Барселона.
Луис Енрике претходно ја напушти репрезентацијата на Шпанија поради здравствените проблеми што ги имаше неговата ќерка, која почина во септември оваа година.
Sería una buena noticia ver otra vez a @LUISENRIQUE21 en la @SeFutbol #luisenrique come back!! #selecciónEspañola #EURO2020 #coach #Futbol #entrenadordefutbol #BreakingNews pic.twitter.com/oCyxY2ZYWv
— ~Fer4ever (@EntrenadorFB) November 18, 2019