Селекторот на фудбалската репрезентација на Шпанија, Луис Енрике, одговараше на прашањата на навивачите на Твитер за време на Светското првенство во Катар. Секако, нив најмногу ги интересираше дали фудбалерите смеат да имаат секс пред натпреварите.
„Смешно е да им се забранува на играчите да имаат секс пред натпревар. Тоа е сосема нормално. Оргиите на ноќ пред натпреварот очигледно не се идеални“, изјави селекторот на Шпанија.
„Кога бев тренер во клубот, играчите беа дома ноќта пред натпреварот и тоа не ме загрижуваше. Тие го прават тоа затоа што сакаат и треба. Здрав разум, повторувам – секој со својот партнер. Кога играв, ако вечерта пред натпреварот бев дома со сопругата, го правевме тоа што требаше“, одговори Енрике.
Шпанија е во групата Е со Јапонија, Германија и со Костарика. Во првиот натпревар ја победи Костарика со 7:0, додека во второто коло ќе игра против Германија.