Новото засилување за Реал Мадрид, Лука Јовиќ имаше интересен настап за Србија во квалификацискиот меч за Евро 2020 против Литванија, каде што имаше еден спектакуларен гол, но и уште поспектакуларно промашување.

Србија стигна до 4:1 победа по убедливиот 0:5 пораз на гостувањето кај Украина, и Јовиќ, кој направи трансфер од соништата од Ајнтрахт Франкфурт во Реал Мадрид, и навивачите на Реал сигурно почнаа да ги следат неговите мечеви.

Јовиќ го постигна третиот гол за Србија, со прекрасен удар надвор од шестнаесетникот, но потоа при 3:1 резултат, имаше совршена шанса за гол, која некако ја промаши.